როგორც ჩანს, დემი მურს თავისი ყოფილი ქმრის, ბრიუს უილისის მიმართ ძალიან დადებითი ემოციებითაა განწყობილი და მასთან ძალიან კარგი ურთიერთობა აქვს.

დემი მური და ბრიუს უილისი, ჰოლივუდის სუპერვარსკვლავი წყვილი, 1989 წლიდან 2000 წლამდე იყვნენ დაქორწინებულები და სამი საერთო შვილი — ტალულა, სკაუტი და რუმერი — ჰყავთ.

დემი მური შვილებთან ერთად

ფოტო: Getty Images

მურმა 2024 წელს თავისი კარიერის ერთ-ერთ უმნიშვნელოვანეს ფილმში, The Substance-ში მთავარი როლი შეასრულა, რომლის წყალობითაც ჰოლივუდის მთავარ ფოკუსში წლების შემდეგ ხელახლა მოექცა და ოსკარის ნომინაციაც დაიმსახურა. ჟურნალ Variety-სთან ინტერვიუში დემი მურმა თავის ახალი პროექტის გარდა, უილისთან ურთიერთობაზეც ისაუბრა.

დემი მური ფილმში The Substance

ფოტო: Christine Tamalet/Universal Studios

უილისს, რომელიც 13-წლიანი ქორწინების შემდეგ მურს გაშორდა და 2009 წელს ემა ჰემინგზე დაქორწინდა, 2023 წელს დემენციის დიაგნოზი დაუსვეს. "ჩვენ ყოველთვის ერთი ოჯახი ვიქნებით, უბრალოდ, სხვა ფორმით. ჩემთვის ეს კითხვის ნიშნის ქვეშ არასდროს დამდგარა. მე მის გვერდით ვარ, რადგან ასე ეპყრობიან მათ, ვინც უყვართ," — თქვა მურმა უილისზე.

ფოტო: ABC News

Variety-ს მიხედვით, მური უილისს ყოველკვირეულად სტუმრობს და მის ცოლსაც ამხნევებს. "იმედი მაქვს, ჩემი საქციელი სხვებისთვისაც გამამხნევებელი იქნება. განქორწინების შემდეგ ცხოვრება გრძელდება. შესაძლებელია, ყოფილ მეუღლესთან ერთად მოსიყვარულედ შეძლო შვილებზე ზრუნვა," — ამბობს მური.

იხილეთ ასევე: