პარლამენტში უსაფრთხოების ყვითელი დონე მოიხსნა. ეს დონე ვიზიტორებისთვის შენობაში შესვლაზე დამატებით შეზღუდვებს აწესებს, რის გამოც ონლაინმედიას პარლამენტის შენობაში შესვლა შეზღუდული ჰქონდა.

"ოცნების" პარლამენტის პრესსამსახურის მიერ გავრცელებული ინფორმაციით, პარლამენტში გამართულ ღონისძიებებზე მასმედიის წარმომადგენლებს და ვიზიტორებს შეზღუდვა აღარ შეეხებათ.

"პარლამენტის სასახლეში მოქმედი უსაფრთხოების ყვითელი დონე, რომელიც პარლამენტის თავმჯდომარის 2023 წლის 04 სექტემბრის N1/259/23 ბრძანების შესაბამისად, 25 ნოემბრიდან მოქმედებდა, 28 ნოემბრის 14.00 საათიდან, გაუქმებულია.

პარლამენტში გამართულ ღონისძიებებზე მასმედიის წარმომადგენლებს და ვიზიტორებს შეზღუდვა აღარ შეეხებათ", — ნათქვამია გავრცელებულ ინფორმაციაში.