დიდი ბრიტანეთის პრემიერმინისტრი, კირ სტარმერი რუსეთის პრეზიდენტის ვლადიმერ პუტინის ბირთვული შეკავების სფეროში რუსეთის სახელისუფლებო პოლიტიკის საფუძვლების დამტკიცებას გამოეხმაურა და განაცხადა, რომ "რუსეთიდან უპასუხისმგებლო ბირთვული რიტორიკა ისმის".

"რუსეთიდან უპასუხისმგებლო რიტორიკა ისმის და ეს ჩვენ უკრაინის მხარდაჭერაში ხელს ვერ შეგვიშლის", — განაცხადა სტარმერმა.

ამასთან, პუტინის მიერ დამტკიცებული ახალი ბირთვული დოქტრინის მიხედვით, აგრესია რუსეთის ან მისი მოკავშირეების წინააღმდეგ არაბირთვული სახელმწიფოს მიერ, თუ მათ ბირთვული სახელმწიფოს მხარდაჭერა აქვთ, მაშინ ეს ერთობლივ თავდასხმად განიხილება.

სტარმერი ასევე მოუწოდებს პუტინს რომ დაასრულოს ომი და უკრაინიდან გავიდეს.

"(პუტინს) კიდევ ერთხელ ვეტყვი: დაასრულე ომი, გადი უკრაინიდან", — აღნიშნა დიდი ბრიტანეთის პრემიერმინისტრმა.