ელვის პრესლის ქალიშვილის, ლიზა პრესლის, გარდაცვალებიდან ორ წელიწადში მისი ავტობიოგრაფიული წიგნი გამოვიდა. წიგნის წერა მისმა ქალიშვილმა, რაილი კიუმ, დაასრულა.

წარმოგიდგენთ 7 ყველაზე შოკისმომგვრელ ამბავს ლიზა მარი პრესლის მემუარებიდან.

1. ლიზამ ელვისის გარდაცვალება იწინასწარმეტყველა

ლიზა იზრდებოდა გრეისლენდში, პრესლის ოჯახის ცნობილ, მემფისის, სასახლეში. ბავშვობაში ხედავდა, რომ ელვის პრესლი რეცეპტით გამოწერილ წამლებს სხვა დანიშნულებით იყენებდა და ამის ძალიან ეშინოდა. "მე დავწერე ლექსი სტრიქონით: "იმედი მაქვს, მამაჩემი არ მოკვდება"", წერს ის და იხსენებს, როგორ იპოვა ელვისი ერთხელ პირქვე სააბაზანოს იატაკზე. "ვიცოდი, რომ რაღაც ტრაგიკული მოხდებოდა." — წერს ლიზა. ელვისის გარდაცვალებისას ლიზა მარი 9 წლის იყო. მომღერალი მემუარებში წერს, რომ მამის გარდაცვალების დღეს მისი ცხოვრება დასრულდა და აღარასდროს ყოფილა ისეთი, როგორიც იქამდე.

2. ლიზაზე დედამისის მეგობარი მამაკაცი სექსუალურად ძალადობდა

ლიზა მარი ამტკიცებს, რომ დედამისის, პრისცილა პრესლის, ყოფილი ბოიფრენდი, მსახიობი მაიკლ ედვარდსი, მასზე სექსუალურად ძალადობდა. "მაიკლი მეხებოდა, მცემდა და მეუბნებოდა, არ შეხედოო. მგონია, რომ ის ამ დროს მასტურბირებდა." — წერს როკენროლის პრინცის ქალიშვილი. "მთვრალი ვიყავი" ან "ის თვითონ მეფლირტავებოდა", როგორც წიგნში ვკითხულობთ, პრისცილასთან თავს ედვარდსი ესე იმართლებდა. მაშინ ლიზა სულ რაღაც 12 წლის იყო.

3. ლიზამ თავის მოკვლა სცადა

ლიზა 14 წლის იყო, როცა მისმა 23 წლის ბოიფრენდმა გაყიდა სურათები, რომელიც ლიზაზე კომპრომატებს შეიცავდა. ფოტოების გავრცელებით და საყვარელი ადამიანის ღალატით განადგურებულმა ლიზამ 20 ტაბლეტი ვალიუმი დალია და სიცოცხლის თვითმკვლელობით დასრულება ცადა.

4. ლიზა და მაიკლ ჯექსონი პირველად ერთმანეთს ბავშვობაში შეხვდნენ

ლიზა წერს, რომ ის და ყოფილი მეუღლე, მაიკლ ჯექსონი, პირველად ერთმანეთს ბავშვობაში შეხვდნენ, მაგრამ თავად ეს არ ახსოვს. ლიზა მაშინ 6 წლის იყო, ჯექსონი კი, 16-ის. მოგვიანებით, პოპის მეფემ ეს შეხვედრა ლიზას თავად გაახსენა და გამოუტყდა, რომ წლების შემდეგ პოპ-ვარსკვლავმა პრისცილა სადილზე იმ იმედით მიიწვია, რომ მასთან ერთად ლიზაც მივიდოდა.

5. ლიზასთან ურთიერთობამდე მაიკლ ჯექსონი ვაჟიშვილი იყო

ლიზა წერს, რომ პოპის მეფე მას ვაჟიშვილობაში გამოუტყდა.

"მაიკლი ინტიმური ურთიერთობის გამო ნერვიულობდა, მაგრამ სადავეები მან აიღო ხელში. შევთავაზე, ქორწინებამდე მოგვეცადა, მაგრამ მან მიპასუხა, რომ მეტ მოცდას აღარ აპირებდა" — გაიხსენა ლიზამ მემუარებში.

6. ლიზა მაიკლ ჯექსონის წინააღმდეგ ბრალდებებს არ ეთანხმებოდა

გარდაცვალებამდე მაიკლ ჯექსონი რამდენიმე ახალგაზრდა ბიჭზე სექსუალურ ძალადობაში იყო ბრალდებული(მან ბრალდება უარყო). ლიზა მარის აზრით ჯექსონი უდანაშაულო იყო, მასში არასდროს შეუმჩნევია საეჭვო რამ. "რაც შეეხება ბავშვების შეურაცხყოფას, მე არასოდეს შემიმჩნევია ასეთი რამ. რომ შემემჩნია, პირადად მე მოვკლავდი." — წერს ლიზა

7. ლიზა გარდაცვლილი შვილის ნეშტს სახლში ორი თვე ინახავდა

ლიზა პრესლის შვილმა, ბენჯამინ კიომ, 2020 წელს სიცოცხლე თვითმკვლელობით დაასრულა. პრესლის ქალიშვილი, რაილი კიო წერს, რომ ბენჯამინის გარდაცვალების შემდეგ, ორი თვის განმავლობაში მისი ცხედარი სახლში ჰყავდათ დასვენებული. "დედაჩემისთვის ძალიან მნიშვნელოვანი იყო, შვილთან გამოსამშვიდობებელი დრო ჰქონოდა" — წერს რაილი.