როგორც ჩანს, ქარდი ბისა და ოფსეტს შორის არსებული დაძაბულობა განქორწინებით დასრულდა.

განქორწინების მოთხოვნის სასამართლოში წარდგენის შემდეგ ქარდი ბი ნიუ-იორკში პაპარაცებმა დააფიქსირეს. ფოტოებში ჩანს, რომ მუსიკოსი ფეხმძიმედაა.

ფოტო: Getty Images

31 წლის ქარდის რეპერ ოფსეტთან უკვე ორი საერთო შვილი — 5 წლის ქალჩერი და 2 წლის ვეივი ჰყავს.

ფეხმძიმობის შესახებ ქარდი ბიმ ფანებს ინსტაგრამის საშუალებით აცნობა. "ყოველ დასასრულს ახალი დასაწყისი მოსდევს. მადლიერი ვარ, რომ ეს პერიოდი შენთან ერთად გამოვიარე, შენ მეტი სიყვარული, მეტი სიცოცხლე შემმატე და, რაც მთავარია, ჩემი ძალა განაახლე. შენ შემახსენე, რომ შემიძლია ყველაფერი მქონდეს!" — მიმართა თავის მესამე შვილს ქარდიმ.