თბილისი-ზუგდიდის მიმართულებით მოძრავი მატარებელი ზუგდიდის რაიონში 75 წლამდე კაცს დაეჯახა. კაცი საავადმყოფოშია გადაყვანილი.

შინაგან საქმეთა სამინისტროს ინფორმაციით, გამოძიება სისხლის სამართლის კოდექსის 275-ე მუხლით მიმდინარეობს. ამ მუხლში რკინიგზის, წყლის, საჰაერო ან საბაგირო ტრანსპორტის მოძრაობის უსაფრთხოების ან ექსპლუატაციის წესის დარღვევაა გათვალისწინებული. უწყებაში ამ ეტაპზე სხვა ინფორმაციას არ ავრცელებენ.

საქართველო რკინიგზის პრესსამსახურში On.ge-მ ამ ეტაპზე დაკავშირება ვერ შეძლო.