House of the Dragon-ის ფანები ახალ სეზონს 16 ივნისს ნახავენ, მანამდე კი HBO-მ სერიალის 2 ახალი ტრეილერი ერთდროულად გამოუშვა. პირველი ტრეილერი მოვლენებს რეინირასა და "შავების" პერსპექტივიდან გვაჩვენებს, ხოლო მეორე ტრეილერში ვხედავთ, თუ როგორ ემზადებიან ომისთვის "მწვანეები".

"რადგან თითოეულ მხარეს სჯერა, რომ რკინის ტახტი კანონიერად ეკუთვნის, "შავებისა" და მწვანეების" ტრეილერები ორ განსხვავებულ პერსპექტივას წარმოგვიდგენს ერთი ამბის შესახებ. მე-2 სეზონში ყველა უნდა აირჩიოს, ტარგარიენთა ოჯახიდან ვის მხარესაა", — ვკითხულობთ HBO-ს განცხადებაში.

House of the Dragon, რომელიც სამეფო კარის თამაშების სამყაროზე გადაღებული სერიალია, პოპულარული გამოსვლისთანავე გახდა. სერიალში მიმდინარე მოვლენები სამეფო კარის თამაშებში ასახულ ისტორიამდე 200 წლით ადრე მოხდა. სატელევიზიო შოუს ჯ.რ.რ. მარტინის წიგნების სერიის Fire And Blood-ის მიხედვით იღებენ.

House of the Dragon რამდენიმე ახალ მსახიობთან ერთად დაგვიბრუნდება. სერიალის მე-2 სეზონში ტომ ტეილორი, კლინტონ ლიბერტი, ჯეიმი კენა და ვინსენტ რეგანი ითამაშებენ. მე-2 სეზონში სერიალის მსახიობების ძირითადი ნაწილი კი უცვლელი რჩება. House of the Dragon-ის მე-2 სეზონში მეთ სმიტს, ოლივია ქუქს, ემა დარსის, ევა ბესტს, სტივ ტუსენს, იუენ მიტჩელს და სხვა პერსონაჟების შემსრულებელ მსახიობებს ისევ ვიხილავთ.