ახალ ფოტოსესიაში მოკლეთმიანი კიმ კარდაშიანის ცნობა შეუძლებელია

კიმ კარდაშიანს სხვადასხვა მიზეზით საზოგადოების გაოცება არასდროს უჭირს, თუმცა მისმა ახალმა ფოტოსესიამ მაინც ყველა მოლოდინს გადააჭარბა. CR Fashion Book-ის ინტერვიუსთვის კიმი გამაოგნებლად გარდაისახა — ფოტოებისთვის მოკლედ შეჭრილი თმა და წვრილი წარბები აქვს, თავად ფოტოსესიის ხასიათის მისთვის დაკავშირებას კი აქამდე ალბათ ბევრი ვერ შეძლებდა.

საზოგადოების ნაწილს კიმის გარდასახვა ძალიან მოეწონა, ნაწილმა მიმების კეთება გადაწყვიტა, დანარჩენები კი იმაზე ბჭობენ, კიმის მოკლე თმაა პარიკი, თუ — გრძელი.

ინტერვიუში კიმმა თავის ცხოვრებაზე, საქმიანობაზე, გამოცდილებასა და ოჯახის წევრებზე ისაუბრა. მისაბაძ ადამიანებზე რომ ჰკითხეს, სხვებთან ერთად თავისი დები, დედა და ბებია დაასახელა. მან თავის დებზე უფრო ვრცლადაც ისაუბრა და მათი ის თვისებები აღნიშნა, რომლებიც მოსწონს.

"კორტნიმ ყოველთვის იცის, რა უნდა და უკან არ იხევს, როცა ასეთი რამ აქამდე არასდროს გაუკეთებიათ ან როცა მისი არჩეული გზა ჩვეულებრივი არაა. ამის გამო დიდ პატივს ვცემ. ქლოის დეტალებისადმი ყურადღება შეუდარებელია და მსოფლიოში ყველაზე დიდი გული აქვს. კენდალი მხიარული და თავისუფალი სულია და საკუთარ თავთან გულწრფელად ცხოვრობს. მიყვარს, რამდენად უყვარს თავისი მეგობრები და ის, თუ რამდენი თავგადასავალი და მოგონება აქვს. ის ცხოვრებისეულ გამოცდილებებს სათანადოდ აფასებს. კაილი მშვენიერი სულია, რომელიც თავის ენერგიას გულუხვად გასცემს და უნდა, რომ ყველა ბედნიერი იყოს. ის ძალიან ნამდვილია", — ამბობს კიმი.

ინტერვიუს სრული ინგლისური ვერსია შეგიძლია აქ ნახო.

ბოლო ამბები:

გირჩევთ

ახალ ფოტოსესიაში მოკლეთმიანი კიმ კარდაშიანის ცნობა შეუძლებელია — ფოტოები

კომენტარები

კვირის ტოპ-5

გირჩევთ

ახლა კითხულობენ

სუხიშვილების ტრიუმფი კარნეგი ჰოლის სცენაზე | მთავარი სპონსორი — საქართველოს ბანკი