ჰარი პოტერის ფილმებში ჯინის როლის შემსრულებელი მსახიობი ბონი რაითი ამბობს, რომ მისი პერსონაჟის სცენების სიმცირით იმედგაცრუებული იყო.

ჯინი ჰარი პოტერის სერიაში რონ უისლის და იყო, ბოლოს კი, ჰარის ცოლი გახდა. ბონიმ მისი როლის შესრულება 9 წლის ასაკში დაიწყო.

ფანების შეხედულებას, რომ ჯინის პერსონაჟის განვითარებასა და მისი და ჰარის ურთიერთობის ჩვენებას ფილმებში, წიგნებთან შედარებით, საკმარისი დრო არ დაეთმო, მსახიობიც იზიარებს.

"ჯინის როლის შესრულებისას შფოთვა მქონდა მქონდა და ყოველთვის ვფიქრობდი იმაზე, როგორ გამეკეთებინა ჩემი მაქსიმუმი ამ პერსონაჟის ჩვენებისთვის, მაგალითად, ვფიქრობდი, 'ღმერთო ნეტავ უსამართლოდ ხომ არ ვექცევი პერსონაჟს, რომელიც ამდენ ადამიანს უყვარს?'თუმცა რთული იყო, მაყურებლისთვის ჯინის თვისებები დამენახებინა, რადგან ბუნებრივია, წიგნებიდან ყველა პერსონაჟის ბევრი სცენის ამოღება გვიხდებოდა.
ეს, რა თქმა უნდა, ზოგჯერ იმედისგამაცრუებელი იყო — პერსონაჟის ხასიათის რაღაც ნაწილს საერთოდ ვერ ვაჩვენებდი, იმის გამო, რომ უბრალოდ საკმარისი სცენები არ მქონდა", — აღნიშნავს ბონი.

იმის მიზეზი, რომ ფილმებში ჯინის საკმარისი დრო არ ეთმობოდა, შეიძლება ისიც ყოფილიყო, რომ ფილმების გადაღებების დაწყებისას როულინგს ჰარი პოტერის წიგნების წერა დამთავრებული არ ჰქონდა და არ იცოდნენ, რომ ჯინი საბოლოოდ ჰარის და ჯინის ერთმანეთი შეუყვარდებოდათ. გახდებოდა.

ბონის თქმით, ამ თემაზე სცენარისტებთან არ უსაუბრია, რადგან ჰქონდა განცდა, რომ ცვლილებებს მაინც ვერ შეიტანდნენ.

"ფილმებს მილიონი აღმასრულებელი დირექტორი ხელმძღვანელობდა და რთული იყო, რამე შეეცვალათ. ვფიქრობ, მაშინ რაც ყველაზე მეტად მაწუხებდა, ჩემი შფოთვა იყო — მეგონა, ადამიანები ჩათვლიდნენ, რომ ჯინის როლს ცუდად ვასრულებდი, მაგრამ ახლა ვხვდები, რომ მისი უკეთ ჩვენების შანსი ნამდვილად არ მქონია. ეს ჩემი ბრალი არ ყოფილა", — ამბობს მსახიობი.

2022 წლის პირველ იანვარს ჰარი პოტერის პირველი ფილმის გადაღებიდან 20 წლის აღსანიშნად სპეციალური გადაცემა Harry Potter 20th Anniversary: Return to Hogwarts ვიხილეთ, რომელშიც ჰარი პოტერის მსახიობებმა ჰოგვორტსის ჯადოსნურ სამყაროზე ისაუბრეს და ფილმის გადაღებები გაიხსენეს.

აღსანიშნავია ისიც, რომ გავრცელებული ხმები, რომლებიც ბოლო წლების განმავლობაში ჰარი პოტერის სერიალზე იტყობინებოდნენ, საბოლოოდ დადასტურდა — შოუზე მუშაობას HBO Max იწყებს.

იხილეთ ასევე:

თუ ფილმები შენი ცხოვრების განუყოფელი ნაწილია და მათი განხილვაც გიყვარს, შემოგვიერთდი ჯგუფში ერთი ფილმიც და...