ინტერნეტში გავრცელებული ფოტოების მიხედვით, ლანა დელ რეიმ ალაბამას ერთ-ერთ Waffle House-ში რამდენიმე დღე იმუშავა. პოპულარულ რესტორანში მისულ სტუმრებს ლანა დელ რეი მიმტანის ფორმაში გამოწყობილი შეეგება, თან მომღერალს ბეიჯიც ეკეთა, რომელზეც მისი სახელი ეწერა.

ვიდეოების გავრცელების შემდეგ რესტორანს ლანა დელ რეის არაერთი ფანი ესტუმრა. "არ ვიცი, რა ვთქვა, უბრალოდ აღფრთოვანებული ვარ", — წერს ინსტაგრამის ერთ-ერთი მომხმარებელი. გარდა იმისა, ლანა დელ რეი სტუმრებს მოემსახურა, თაყვანისმცემლებთან ერთად სამახსოვრო ფოტოებიც გადაიღო.

ჯერჯერობით უცნობია, თუ რატომ იმყოფება ლანა დელ რეი ალაბამაში. გარდა Waffle House-სა, პაპარაცებმა მომღერალი ადგილობრივ სალონსა და Starbucks-შიც შენიშნეს. მომღერლის წარმომადგენლებს ალაბამაში ყოფნის მიზეზების შესახებ ჯერ კომენტარი არ გაუკეთებიათ.

შეგახსენებთ, რომ ცოტა ხნის წინ ლანა დელ რეი გლასტონბერის ფესტივალს ეწვია და კონცერტიც გამართა. მომღერალმა სცენაზე გამოსვლა დააგვიანა, ამიტომ ორგანიზატორებმა კონცერტის დასრულება არ აცადეს.