ფლორიდის ზოოპარკს 20 წლის ჯეიკობი ცოტა ხნის წინ იმ მიზნით ეწვია, რომ "საშიში ტიკტოკი" გადაეღო. ჯეიკობი იმ ღობეს გადაახტა, რომლის მეორე მხარესაც ალიგატორები ცხოვრობენ, მათთან ახლოს მივიდა და ტიკტოკის გადაღება დაიწყო. რადგან ალიგატორებთან მიახლოება აკრძალულია, პოლიციამ ჯეიკობი დააკავა.

პოლიციის განცხადებით, ჯეიკობი ვიდეოს ორ მეგობართან ერთად იღებდა, რომლებიც ღობეს მასთან ერთად გადაახტნენ. ფლორიდის ზოოპარკში ალიგატორებს ლითონის მაღალი ღობე იცავს. ჯეიკობი ალიგატორებს უღებდა ვიდეოს, თავად ჯეიკობს კი მეგობარი იღებდა. ჯეიკობის ვიდეო სოციალურ ქსელებში დაიდო და მაშინვე ვირუსულად გავრცელდა.

@ethereal_fairy_wishes full context of the day, Jacob Pursifull, decided to break into the Busch Gardens Alligator pit. details and article of outcome will be shown towards the end of the video. #buschgardens #alligator #isthecloutworthit? #thinkaboutit #heriskedhislife ♬ Bad Boys (Theme from "Cops") - Coded Channel

პოლიციის ცნობით, ჯეიკობს ზოოპარკის თანამშრომლები სთხოვდნენ, რომ ალიგატორებს მოშორებოდა და ტერიტორია დაეტოვებინა, თუმცა მან გაფრთხილებას ყურადღება არ მიაქცია და ვიდეოს გადაღება გააგრძელა. ინციდენტის შემდეგ კი ვიდეო ტიკტოკზე განათავსა.

პოლიციამ სოციალური მედიის მეშვეობითა და გამომძიებლების დახმარებით ჯეიკობის იდენტიფიცირება შეძლო და დააკავა. ჯეიკობი აკრძალულ ტერიტორიაზე შეჭრის ბრალდებით დააკავეს, შედეგ კი დაკავებულმა გირაოს სახით $8,500 გადაიხადა და გაათავისუფლეს.