კამბოჯელი კაცი, რომელიც ნიანგების ფერმის მეპატრონე იყო, 40-მდე ნიანგმა ცოცხლად მას შემდეგ შეჭამა, რაც მათ გალიასთან ახლოს მივიდა. ადგილობრივი პოლიციის განცხადებით, ფერმერი ერთ-ერთი ნიანგის კვერცხის ჯოხით აღებას ცდილობდა, როცა ნიანგმა ჯოხთან ერთად კაციც აიტაცა და გალიისკენ გასწია.

ასე აღმოჩნდა ფერმერი ნიანგებით სავსე გალიაში, რომლებიც თავს დაესხნენ და ცოცხლად შეჭამეს. გარდაცვლილი ფერმერის სხეული ნიანგების ნაკბენებით იყო დაფარული, მისი ერთი მკლავი კი დაკარგულია.

გარდაცვლილი კაცი ადგილობრივი ნიანგების ფერმერთა ასოციაციის პრეზიდენტი იყო. ეს ნიანგების მიერ თავდასხმის პირველი შემთხვევა არ არის. 2019 წელს იმავე ფერმაში ნიანგებმა 2 წლის გოგო შეჭამეს.

ნიანგებს კამბოჯაში კვერცხის, ტყავისა და ხორცის მოსაპოვებლად ამრავლებენ.