რა გაფერხებს ახალი თავგადასავლების აღმოჩენის, პიროვნული განვითარების და გამოცდილებების მიღებისგან? ალბათ, პასუხი "არას" თქმაა სიახლეებზე. თუ ახალ შეთავაზებებს ღია გონებით მიუდგები, აწონ-დაწონი და დაფიქრდები, რამდენად შეესაბამება ის შენს ღირებულებებსა და მიზნებს დარწმუნებული იყავი, რომ არ ინანებ. აქ შემოთავაზებათა ის ჩამონათვალია, რომლებზეც უარის თქმა დასანანი იქნებოდა.

სასწავლებლად უცხოეთში წასვლა

შეიძლება, ჯერ გაშინებს ახალ გამოწვევებთან ერთად ახალ გარემოსთან გამკლავების პერსპექტივა. თუმცა, საზღვარგარეთ სწავლა ფასდაუდებელი გამოცდილებაა, რომელსაც შეუძლია გაგიხსნას ახალი შესაძლებლობებისა და უპირატესობების სამყარო. შეგიძლია განავითარო ენობრივი უნარები, შექმნა პროფესიული კავშირები სხვადასხვა ადამიანების გაცნობით და ის კარიერული გზები შეისწავლო, რომელიც არ არის ხელმისაწვდომი შენს ქვეყანაში. განსხვავებულ კულტურაში ჩაძირვა დაგეხმარება გახდე უფრო კრეატიული და ღია სიახლეების მიმართ. სანამ დათანხმდები, გადაამოწმე უნივერსიტეტი, გარემო, ქვეყნის კულტურული ცნობიერება და თუ ყველაფერი საკმარისად კარგია, ჩემოდნის ჩალაგებაში დაგეხმარებით.

ახალი სამსახური/ახალი პოზიცია

როდესაც ფიქრობ, დაეთანხმო თუ არა ახალ შემოთავაზებას, მნიშვნელოვანია ყურადღებით აწონ-დაწონო დადებითი და უარყოფითი მხარეები. გაითვალისწინე კარიერული წინსვლის პოტენციალი, შენი საკუთარი უნარები, ინტერესები და გამოცდილება და როგორ შეიძლება ახალი სამსახური დაგეხმაროს მიზნების მიღწევაში. შენი შესაძლებლობების განვითარებისთვის მნიშვნელოვანია გადადგა სწორი ნაბიჯები, გაიცნო ახალი ადამიანები, მიიღო მათგან პროფესიული რჩევები, დაეხმარო საკუთარ თავს შესაძლებლობების სრულად გამოვლენაში. არ დაგავიწყდეს, განვითარება კომფორტის ზონიდან გამოსვლისას იწყება.

რატომ არ უნდა უთხრა უარი სიყვარულზე

ამაზე, ალბათ, შენზე უკეთ პასუხი არავინ იცის. ჩვენ ვერ გეტყვით შენ რას გრძნობ, მაგრამ პატარა რამეებს გეტყვით, რატომ არის სიყვარულის მიღება და გაცემა კარგი. სიყვარულს შეუძლია უზრუნველყოს კომფორტის, გაგებისა და უსაფრთხოების განცდა. ასევე, უზრუნველყოს მიზნისა და კავშირის გრძნობა შენს გარშემო არსებულ სამყაროსთან. იგი დაგეხმარება გახდე საკუთარი თავის საუკეთესო ვერსია. ამდენად, მნიშვნელოვანია იყო ღია სიყვარულისთვის და არ მიცე შიშს უფლება შეგიშალოს ხელი მისი მრავალი სარგებლის მიღებისგან. თუმცა, თუ სადმე წითელი დროშები დაფრიალებენ შენი რჩეულის ირგვლივ, ჯობს საკუთარ თავს თავად უყიდო ყვავილები.

ახალი ჰობების გაჩენა

ახალი ჰობების გაჩენა ან უნარების შესწავლა თითქოსდა ისეთი არაფერია, რაზეც შეიძლება რომ ადამიანს უარის თქმა მოუნდეს. თუმცა, აბა, გაიხსენე, ბოლოს რომელი ჰობი გაიჩინე? ჰობები ისაა რასაც ყოველდღიურ აზარტში შეყავხარ. აძლიერებს შენს კრეატიულობის უნარს და გეხმარება ახალი იდეების მარტივად დაგენერირებაში. ამასთანავე შენი განწყობის გაუმჯობესებისა და სტრესის შემცირებისთვისაც იდეალური რამეა. ყოველდღიური მიღწევები და საკუთარი თავის შექება ხასიათის მშვენიერი განმაპირობებელია. არ გამორიცხო, ახალი ჰობის გაჩენისას გააფართოო სანაცნობო წრე, რადგან შენი ინტერესები ახლა უკვე უფრო ფართო მასშტაბებს მოიცავს და შენთვის საინტერესო ადამიანების რიცხვიც პირდაპირპროპორციულად გაიზრდება.

დღის შეთავაზებები

თუ ჯერ extra.ge-ის დღის შეთავაზებებზე არ გსმენია, დროა გაიგო. უთხარი შენს გულში ჩარჩენილი ის ნივთი, რომლის შეძენაც ასე ძალიან გინდოდა. extra.ge კი მასზე საუკეთესო ფასს შემოგთავაზებს. უარი არ უთხრა.