თბილისში, ფილარმონიის დარბაზში, კონსტიტუციის პროექტის განხილვა ჩაიშალა.

ერთი საათის წინ, შეხვედრა ხმაურის ფონზე დაიწყო. აუდიტორია 115-ის წევრებმა შეძახილებით და სტვენით გააპროტესტეს შრომის არსებული კანონმდებლობა და მოითხოვეს შრომის უფლებების შესახებ ჩანაწერის გაკეთება კონსტიტუციაში. მათ გაიხსენეს რამდენიმე დღის წინ გარდაცვლილი ოთხი მეშახტე და სოლიდარობა გამოუცხადეს მუშებს. ასევე, კანონმდებლებს შეახსენეს, რომ არ არსებობს შრომის უსაფრთხოების გარანტიები ქვეყანაში.

პარლამენტის თავმჯდომარის, ირაკლი კობახიძის აზრით, სტუდენტური მოძრაობა აუდიტორია 115 კომუნიზმის გზას ადგას. კობახიძემ მოძრაობის წევრებს მოუწოდა ილია ჭავჭავაძის გზით იარონ:

"სოლიდარობა არის კომუნისტების მოგონილი. ეს არის თქვენი გზა, აცდით ამ გზას და იარეთ ილია ჭავჭავაძის გზით".

შეხვედრისას რამდენიმე დამსწრეს მიეცა სიტყვით გამოსვლის შესაძლებლობა, ბოლოს კი საპარლამენტო ურმავლესობის ლიდერმა მამუკა მდინარაძემ შეხვედრა ჩაშლილად გამოაცხადა:

"უჩვეულო დემოკრატია მივიღეთ. მაინც მოახერხეს ამ შეხვედრის ჩაშლა"