ბოლო პერიოდში ახალგაზრდა ინგლისელმა მომღერალმა ჰარი სტაილსმა სახელი არა მხოლოდ თავისი მუსიკალური კარიერით გაითქვა, არამედ ჩაცმის იმ სტილითაც, რომელიც საზოგადოებაში დღემდე არსებულ ნორმებს არღვევს.

ჰარი სტაილსი ცდილობს დაგვიმტკიცოს, რომ მოდას გენდერი არ აქვს.

ერთი მხრივ, კარგია, რომ ჰარი სტაილსი მოძველებულ შეხედულებებს არაფრად აგდებს და საკუთარ თავს ისე გამოხატავს, როგორც თავად უნდა, თუმცა მეორე მხრივ, სამწუხაროა, რომ დღესაც კი ისეთი ჩვეულებრივი რამ, რაც სასურველი სამოსის ჩაცმაა, "რევოლუციურად" აღიქმება.

თანაც იმის გათვალისწინებით, რომ მსგავსი ჩაცმის სტილის გამო იმ მრავალ გეი თუ ტრანსგენდერ ადამიანს, რომლებსაც ისეთი პოპულარობა არ ხვდათ წილად, რომ ჰარის მსგავსად კაბაში გამოწყობილები ვოგის ყდაზე მოხვედრილიყვნენ, ყოველდღიურად ლამის ყველა სივრცეში დევნიან და ტერორში ამყოფებენ.

ვიმედოვნოთ, რომ ჰარის მსგავსი ცნობილი სახეების ქმედებები ეტაპობრივად სხვებსაც უფრო გაუმარტივებს საკუთარი ფემინურობისა თუ მასკულინობის თუნდაც ჩაცმულობაში ისე გამოხატვას, როგორც თავად ჩათვლის საჭიროდ.

თუმცა, ჰარის მოდა, რომლითაც დღეს ბევრია აღფრთოვანებული, არა მხოლოდ საზოგადოების სხვადასხვა მარგინალიზებული ჯგუფის უამრავი წარმომადგენლის ცხოვრების სრულიად ჩვეულებრივი ნაწილია, არამედ მეინსტრიმულ კულტურაშიც არ არის ინოვაციური.

მაგალითისთვის შეგვიძლია გავიხსენოთ ბრედ პიტი.

ჰო, აი, ედვარდ ნორტონი არა და მეორე: მებრძოლთა კლუბის, უსახელო ნაბიჭვრების, შვიდის და კიდევ სხვა უამრავი ცნობილი ფილმის ვარსკვლავი და ამასთანავე თავისი მომხიბვლელი გარეგნობით უთვალავი ქალისა თუ კაცის გულთამპყრობელი.

დარწმუნებულები ვართ, ბრედ პიტის არაერთი შთამბეჭდავი ფოტო გექნებათ ნანახი, თუმცა ცოტას თუ ახსოვს 20-ზე მეტი წლის წინ გადაღებული ფოტოსესია, რომლისთვისაც ბრედ პიტი კაბებსა და სამკაულებში გამოეწყო და საზოგადოებაში ურთიერთსაწინააღმდეგო რეაქციები გამოიწვია: ბევრისთვის ფემინური სამოსისა და მასკულინური სხეულის თანხვედრა მიუღებელი აღმოჩნდა.

ახლა სწორედ სახელოვანი ფოტოგრაფის მარკ სელიგერის 1999 წლის ამ ფოტოსესიას წარმოგიდგენთ, რომელიც ჟურნალ Rolling Stone-ისთვის გადაიღო ბრედ პიტის მონაწილეობით:

1. ამ ფოტოსესიის იდეა თვითონ ბრედ პიტს დაებადა

2. მას უნდოდა, რომ სრულიად უცხო ცივილიზაციის წარმომადგენელს დამსგავსებოდა

3. ფოტოსესიის დროს ცოტა ხნის დასრულებული იყო მებრძოლთა კლუბის გადაღებები, პიტი კი ამ ფილმისთვის ბევრს ვარჯიშობდა, რათა როლისთვის შესაბამის ფორმაში ყოფილიყო

4. მან ასევე ტაილერ დარდენის სრულყოფილად განსასახიერებლად წინა კბილებიც ჩამოიმტვრია, რასაც ამ ფოტოსესიაშიც ვხედავთ

5. "ვფიქრობ, კაბა ძალიან მომიხდა... სიმართლე რომ ვთქვა, არც ვიცი, რას ვაკეთებდი. უბრალოდ მაშინ სწორედ ეს მინდოდა", — თქვა მოგვიანებით პიტმა ამ ფოტოსესიაზე

6. რთულია, ბრედ პიტი იყო და რაიმე არ მოგიხდეს...

7. წარმოიდგინეთ, როგორ შეხვდებოდა მედია 23 წლის წინ ამ ფოტოებს

8. თუმცა, რაც უფრო მეტი დრო გავა, ალბათ, მით უფრო ნაკლებად აღიქმება ეს ფოტოსესია "უჩვეულოდ"