მეოთხე დღეა საბერძნეთში ტყის მასშტაბურ ხანძრებს ებრძვიან. დღევანდელი ინფორმაციით, საბერძნეთის მასშტაბით 56 აქტიური კერაა, პელეპონესიდან კუნძულ ევიამდე, დედაქალაქის მახლობლად.

AP-ს ინფორმაციით, ათენის ჩრდილოეთით გაჩენილ ხანძარს ერთი ადამიანის სიცოცხლე ემსხვერპლა. ხელისუფლებამ ათენის მიმდებარე გარეუბნებში ბრძანა მოსახლეობის ევაკუირება.

"ჩვენ ვაგრძელებთ ძალისხმევას, საათობით, მრავალი ხანძრის ჩასაქრობად. პირობები უკიდურესად საშიშია", — განაცხადა სამოქალაქო დაცვის მინისტრის მოადგლემ ნიკოს ჰარდალიასმა.

ფოტო: REUTERS / Costas Baltas

ხანძარი პირველად 3 აგვისტოს გაჩნდა, დედაქალაქის ჩრდილოეთით საბერძნეთის დამაკაშირებელი მთავარი მაგისტრალის გარშემო.

ფოტო: AP Photo / Thanassis Stavrakis