საოლქო საარჩევნო კომისიის თავმჯდომარის, ანი ილურიძის განცხადებით, იმის მიუხედავად, რომ მარნეულის მე-2 უბანზე სიაში მითითებულ ნომერსა გადასატანი ყუთის ნომერს შორის აცდენაა, საარჩევნო ყუთის ლუქის მთლიანობა დარღვეული არ არის. ამიტომ, მისი თქმით, საარჩევნო ყუთის გაუქმების საჭიროება არ დგას.

მარნეულში მე-2 საარჩევნო უბანზე პლატფორმა 2020-ისა და ნაციონალური მოძრაობის წარმომადგენლები ამტკიცებენ, რომ გადასატანი ყუთის ნომერი სიაში რეგისტრირებულ ნომერს არ ემთხვევა.

ნაციონალური მოძრაობის დამკვირვებელმა აღნიშნულზე საჩივარი დაწერა, რაც არ დაკმაყოფილდა. კომისიის მდივნის თქმით, მას ყუთები აერია, რაზეც განმარტებითი ბარათი დაწერა.