ტესტი: რამდენად კარგად გახსოვს საპარლამენტო "მარგალიტები"

2016 წლის 18 ნოემბერს საქართველოს პარლამენტმა ქვეყნისადმი ერთგულების ფიცი დადო. ფეხზე წამომდგარი დეპუტატები ერის წინაშე აცხადებდნენ, რომ კეთილსინდისიერად შეასრულებდნენ უფლება-მოვალეობებს და იქნებოდნენ მოქალაქეთა უფლებებისა და თავისუფლების სამსახურში...

მერე "მატრიცამ აურია" და მომდევნო ოთხმა წელმა, წარსული ცხრა წლის გახსენებაში, სადაო კანონპროექტებში, დაძლეულ ვეტოებში, ჩხუბში, გინებაში, მუქარასა და პიკეტირებებში გაიარა.

რა აღარ მოისმინა საკანონმდებლო ორგანოს კედლებმა — "ყველა წმინდა სალოცავზე" დაგინება, სიცოცხლის მოსპობაზე მუქარა და ოკუპანტის ენაც. რა აღარ ნახა სხდომათა დარბაზმა — კოლეგებისგან "განდევნილი" დეპუტატი და კომუნისტი რუსი თავმჯდომარის სკამში. და რამდენი რამის "გახსენება" მოუწია რუსთაველის გამზირს — უხეში ძალით დაშლილი დემონსტრანტები, დაპირისპირება, შეშის ღუმელები.

მოკლედ რომ ვთქვათ, ამ მოწვევის პარლამენტს ხმაურიანი მოღვაწეობა ჰქონდა, მაგრამ, როგორც ყოველთვის, იყო უამრავი "მარგალიტი", რომელიც არაფერ კავშირშია საპარლამენტო საქმიანობასთან. ეს ამბები ერთ ქვიზში მოვაქციეთ.

შეავსე და გაიხსენე, რას აკეთებდნენ კანონმდებლები 4 წლის განმავლობაში საქმის ნაცვლად: