საქართველოში ელექტროენერგიის მწარმოებელ კომპანიებს შპს გარდაბნის თბოსადგურისთვის, შპს ჯიფაუერისთვის, შპს მტკვარი ენერჯისთვის, შპს საქართველოს საერთაშორისო ენერგეტიკული კორპორაციისათვის ზღვრული ტარიფი გაიზარდა. ეს გადაწყვეტილება საქართველოს ენერგეტიკისა და წყალმომარაგების მარეგულირებელმა ეროვნულმა კომისიამ დღეს, 21 დეკემბერს მიიღო.

სემეკის დღევანდელი გადაწყვეტილების მიხედვით, მხოლოდ გარდაბნის თბოსადგურის ზღვრული ტარიფი თითქმის 2,4 თეთრი/კვტსთ გაძვირდა. თუკი აქამდე - 6,659 თეთრი/კვტსთ იყო, 2017 წელს 9.056 თეთრი/კვტსთ გახდა.

ცვლილებები შეეხო შპს ჯიფაუერის, ვისთვისაც ზღვრული ტარიფი - 14.120 თეთრი/კვტსთ გახდა, შპს მტკვარი ენერჯის (#9 ენერგობლოკი) - 12.194 თეთრი/კვტსთ, შპს საქართველოს საერთაშორისო ენერგეტიკული კორპორაციის (#3, #4 ენერგობლოკები) - 14.234 თეთრი/კვტსთ.

გარანტირებული სიმძლავრის საფასური და ელექტროენერგიის წარმოების ზღვრული ტარიფები მოცემულია დღგ-ს გარეშე. ტარიფები 2017 წლის 1 იანვრიდან 2017 წლის 31 დეკემბრის ჩათვლით იმოქმედებს.