ეგვიპტეში TikTok-ზე დადებული ვიდეოების გამო ეგვიპტეში ხუთ ახალგაზრდა ქალს ორი წლით თავისუფლების აღკვეთა მიუსაჯეს. BBC-ს ინფორმაციით, მათ "ამორალური" და "ოჯახური ღირებულებების" შეურაცხყოფას ედავებიან. დაკავებული ქალები დაახლოებით 19 ათასი დოლარითაც დააჯარიმეს.

"მათ ადანაშაულებენ ეგვიპტური საზოგადოების პრინციპებისა და ღირებულებების დარღვევაში, ასევე, უხამსი ვიდეოებისა და ფოტოების განთავსებაში, რომელიც საზოგადოებრივ მორალს არღვევს", — წერს ეგვიპტის სახელისუფლებო გამოცემა.

ხუთი დაკავებულიდან სამს კაცებთან "შეუსაბამო ვიდეოზარების" განხორციელებასაც ედავებიან.

ბოლო პერიოდში ეგვიპტეში სოციალურ ქსელში პოპულარული და გავლენიანი ქალების დაკავებების არაერთი შემთხვევა დაფიქსირდა, ძირითადად კი ისინი TikTok-ის მომხმარებლები იყვნენ. ეს პირველი საპატიმრო სასჯელია, რომელიც სასამართლომ სმაგსვი შემთხვევის დროს გამოიყენა.

ჰანინ ჰოსამი, რომელსაც 2-წლიანი პატიმრობა მიუსაჯეს, აპრილში იმის გამო დააკავეს, რომ თავის 1,3 გამომწერს უყვებოდა, თუ როგორ შეუძლიათ გოგოებს მასთან მუშაობა და ფულის გამომუშავება.

კიდევ ერთი მსჯავრდებული მავადა ალ-ადამი მაისში TikTok-სა და Instagram-ზე სატირული ვიდეოს განთავსების გამო დააკავეს. მას დაახლოებით 2 მილიონი გამომწერი ჰყავს.

სასამართლოს გადაწყვეტილების შემდეგ აქტივისტებმა ონლაინკამპანია წამოიწყეს და ქალების გათავისუფლებას მოითხოვენ.

TikTok ეგვიპტეში ბოლო თვეებში გახდა პოპულარი, განსაკუთრებით კორონავირუსის დროს, როცა მთავრობას ვირუსის გავრცელების შეჩერებისთვის გადაადგილებაზე შეზღუდვები ჰქონდა დაწესებული.