ქობულეთის მუნიციპალიტეტის გამგეობის ცნობით, წუხელ ღამით ქობულეთის ზღვის სანაპირო ზოლზე 3–4–ბალიანი შტორმი დაფიქსირდა. დაზიანდა სანაგვე ურნები და დეკორატიული სკამები. მთელი ღამის განმავლობაში სტიქიასთან ბრძოლის საგანგებო შტაბი აქტიურად მუშაობდა. მობილიზებული იყო სპეციალური ტექნიკა და სამაშველო ჯგუფები.

გამგეობის ინფორმაციით, ამ დროისათვის მუნიციპალიტეტში მდგომარეობა სტაბილურია და მოსახლეობას საფრთხე არ ემუქრება. ძლიერი ქარის შედეგად დაზიანდა ელექტოგადამცემი ხაზები და 50–მდე ოჯახს არ მიეწოდება ელექტროენერგია. ენერგო-პრო ჯორჯიას ორგანიზებით დილიდანვე დაიწყება სარემონტო სამუშაოები.

როგორც მუნიციპალიტეტის ფეისბუკ გვერდზე გამოქვეყნებულ ვიდეოში ჩანს, 4 დეკემბრის დილისთვის ზღვაში შტორმი ისევ გრძელდება.