თბილისში, ქავთარაძის სამ ნომერში, ე.წ. ქავთარაძის ბაზრობაზე ხანძარი ლიკვიდირებულია. საგანგებო სიტუაციების მართვის სამსახურის ინფორმაციით, ხანძრის გამო არავინ დაშავებულა.

"ცეცხლი გაუჩნდა მაღაზიას, სადაც ინახებოდა სამშენებლო მასალები. დაახლოებით, იწვოდა 350-400 კვადრატულ მეტრამდე ფართობი, გვერდით, როგორც ხედავთ, არის ორი ბენზინგასამართი სადგური, იყო ცეცხლის გადასვლის საშიშროება. ადგილზე ოპერატიულად იქნა მობილიზებული 14 სახანძრო სამაშველო ჯგუფები და მოხდა ხანძრის დროული ლოკალიზება", — თქვა საგანგებო სიტუაციების მართვის სამსახურის თანამშრომელმა.