როგორც მაესტროს საინფორმაციო სამსახურის ხელმძღვანელმა, ხატია ქვათაძემ On.ge-სთან საუბარში განმარტა, მაესტრომ ორ რეგიონში - კახეთსა და სამეგრელოში ბიუროები ხარჯების ოპტიმიზაციის მიზნით დახურა.

მისი თქმით, აღნიშნული გადაწყვეტილება არხმა დროებით მიიღო და შესაძლოა, ბიუროებმა ისევ გააგრძელონ ფუნქციონირება. გარდა ამისა, ქვათაძისვე განცხადებით, ვინაიდან კახეთის რეგიონი თბილისთან ახლოსაა, მისი დაფარვა დედაქალაქიდანაც იქნება შესაძლებელი. მაესტროს ბიუროები ჯერჯერობით მუშაობას აგრძელებენ სხვა რეგიონებში.

On.ge-ს ინფორმაციით, ტელეარხზე იგეგმება სხვა ცვლილებებიც, რომლის შესახებაც ამბავს დადასტურების შემთხვევაში მოგაწვდით.