2 თვის წინ დაკარგულ სამხედროებს თავდაცვის სამინისტრო თავისი ძალებით ეძებს. როგორც On.ge-ს უწყებაში განუცხადეს, მათი ძებნა არც შეწყვეტილა.

თავდაცვის სამინისტროს პრესსამსახურის ინფორმაციით, ამ ეტაპზე საქართველოს სამხედროების ძებნაში საზღვარგარეთიდან არ ეხმარებიან.

16 აგვისტოს, შავ ზღვაზე გეგმური საზღვაო სპეცდანიშნულების სწავლების დროს, ზღვაში სიღრმითი ჩაყვინთვის შემდეგ, სპეციალური ოპერაციების ძალების ორმა სამხედრო მოსამსახურემ, გიორგი ნანიტაშვილმა და იაგო შარაძემ ვერ შეძლეს ზღვის ზედაპირზე ამოსვლა და ამ დრომდე მათი ადგილსამყოფელი დაუდგენელია.