რესპუბლიკური პარტიის ერთ-ერთი ლიდერი გაზეთ რეზონანსთან ინტერვიუში იმ გარემოზე საუბრობს, რომელიც წინასაარჩევნოდ პარტიებს შორისაა და აღნიშნავს, რომ არათანასწორი კონკურენცია პარტიებს შორის ყველაზე მეტად მატერიალურად აისახება:

"რაც შეეხება კონკურენტუნარიან გარემოს, აქ კატასტროფული მდგომარეობაა. არიან პარტიები, რომლებსაც მრავალმილიონიანი ბიუჯეტი აქვთ, თუმცა ზოგიერთს, მათ შორის, ჩვენ 5 თეთრიც კი არ გვაქვს. ასეთი მდგომარეობა ჩვენც კი არ გვახსოვს".

ლევან ბერძენიშვილი დასძენს, რომ ბიზნესმენები პარტიების დაფინანსებაზე უარს ამბობენ, რაც მისი ვარაუდით მათზე ზეწოლის შედეგია:

"ვფიქრობ, ეს მათზე ზეწოლის შედეგია, თუმცა ამის დამტკიცება ფაქტებით პრაქტიკულად შეუძლებელია, რადგანაც შემოწირულობა ნებაყოფლობითია".

დავით უსუფაშვილმა რამდენიმე დღის წინ მეწარმეებს წერილით მიმართა, სადაც მათ მოუწოდებდა, ნუ შეუწყობდნენ ხელს უკონკურენტო ერთპარტიულობას.