მას შემდეგ, რაც რუსულმა ტელესკოპმა დედამიწიდან, დაახლოებით, 94 სინათლის წლის მოშორებით ძლიერი სიგნალი დააფიქსირა, კოსმოსური ინტელექტის მეძებარი ასტრონომები არსებულ მონაცემებს აანალიზებენ. მკვლევართა საერთაშორისო ჯგუფი კი რადიო სიგნალსა და მის ვარსკვლავს განიხილავს.

"სიგნალი HD 164595-დან ძალიან დამაინტრიგებელია, რადგან მზის მაგვარი ვარსკვლავის შემოგარენი ტერიტორიიდან მოდის. და თუ ის ხელოვნურია, მისი სიძლიერე საკმარისია, იმისათვის, რომ ვთქვათ, რომ იმ ცივილიზაციისგან მოდის, რომელიც კაცობრიობის მიღმა არსებობს და რომელსაც გარკვეული შესაძლებლობები გააჩნია" - ამბობს ასტრონომი დუგლას ვაკოჩი CNN-თან.

ნიშნავს, თუ არა აღნიშნული უცხოპლანეტელების არსებობას?

ალბათ, არა - ამბობს ვაკოჩი.

"სანამ სიგნალს განვიხილავთ როგორც უცხოპლანეტელებისგან წამოსულს, უნდა დავრწმუნდეთ, რომ განმეორდება და უბრალოდ გარდამავლი ფენომენი არაა. თუმცა, ეს ფაქტი ყურადღებას იმსახურებს და ხელიდან არ უნდა გავუშვათ შესაძლებლობა, რომ პირველი კონტაქტი დავამყაროთ.

ასევე იხილეთ:

ასტრონომებმა მეზობელ სისტემაში დედამიწის მსგავსი პლანეტა აღმოაჩინეს