რამდენიმე წუთის წინ Uefa-ს მიერ ჩატარებულ კენჭისყრაზე გაირკვა, თუ ვის დაუპირისპირდება საქართველოს ეროვნული ნაკრები ერთა ლიგის ტურნირზე.

საქართველოს საფეხბურთო ნაკრები D ლიგის პირველ ჯგუფში მოხვდა. მისი მოწინააღმდეგეები ლატვია, ყაზახეთი და ანდორა იქნებიან. თხუთმეტი შესაძლო ნაკრებიდან, სწორედ ამ გუნდებთან მოუწევს საქართველოს ეროვნულ ნაკრებს დაპირისპირება.

ერთა ლიგა Uefa-ს მიერ დაფუძნებული ტურნირია, რომელიც სტარტს პირველად 2018 წლის სექტემბერში, მსოფლიო ჩემპიონატის დასრულების შემდეგ აიღებს. ერთა ლიგა ხუთი დივიზიონის ნაკრებს წარმოადგენს, რომელსაც ლიგები ეწოდება. A ლიგა ყველაზე ძლიერი ნაკრებებისგან შედგება და მასში 12 ქვეყნის გუნდი შედის. B ლიგაშიც 12, C ლიგაში 15, ხოლო D ლიგაში 16. საქართველო სწორედ D ლიგაში იასპარეზებს. ეს ტურნირი ამხანაგური თამაშების ერთგვარი ჩანაცვლება იქნება, რომლის გამარჯვებულიც A ლიგიდან 2019 წლის ივნისსში გამოვლინდება. სხვა ლიგის გუნდებს კი საშუალება ექნებათ ნაჩვენები შედეგის მიხედვით დაწინაურდნენ და უკეთეს გუნდთა სიაში გადაინაცვლონ. გარდა ამისა, ერთა ლიგაზე მოასპარეზე გუნდებს კიდევ ერთი შანსი ექნებათ ევროპის ჩემპიონატზე მოსახვედრად.