პროკურატურამ გორში მომხდარ ავტოსაგზაო შემთხვევაზე, რომელსაც დედა-შვილის სიცოცხლე ემსხვერპლა, პირს ბრალი წარუდგინა.

დაკავებულს ბრალდება სსსკ-ის 276-ე მუხლის მე-9 ნაწილით (ალკოჰოლის ზემოქმედების ქვეშ, ავტომობილის მოძრაობის უსაფრთხოების წესის დარღვევა, რამაც ორი ადამიანის სიცოცხლის მოსპობა გამოიწვია) წარედგინა, რაც სასჯელის სახედ და ზომად 12 წლამდე თავისუფლების აღკვეთას ითვალისწინებს.

"საქართველოს შინაგან საქმეთა სამინისტროს მიერ ჩატარებული გამოძიებით დადგინდა, რომ 2026 წლის 13 ივლისს, ღამის საათებში, გორში ბრალდებულმა, რომელიც ალკოჰოლის ზემოქმედების ქვეშ მართავდა ავტომობილს, მოძრაობის უსაფრთხოების წესები დაარღვია და ქვეითად მოძრავ დედა-შვილს შეეჯახა. ავტოსაგზაო შემთხვევის შედეგად ორივე დაშავებული კლინიკაში გარდაიცვალა," — ვკითხულობთ უწყების განცხადებაში.

შეგახსენებთ, დედა-შვილს, 13 ივლისს, საღამოს, გორში, ჭავჭავაძის გამზირზე, კინოთეატრ "გამარჯვების" შენობის წინ მანქანა დაეჯახა. წლის ბავშვი კლინიკაში გარდაიცვალა, მოგვიანებით კი, კლინიკაში გადაყვანის შემდეგ, დედაც დაიღუპა.