სოციალისტი ემანუელ გრეგუარი პარიზის მერად აირჩიეს. მან არჩევნებში მემარჯვენე ყოფილი მინისტრი რაშიდა დატი დაამარცხა. ამის შესახებ ინფორმაციას France 24 ავრცელებს.

48 წლის გრეგუარმა, მოქმედი მერის, ან იდალგოს ყოფილმა მოადგილემ, ხმების დაახლოებით 51% მიიღო.

"პარიზმა გადაწყვიტა თავისი ისტორიის ერთგული დარჩეს", — განაცხადა გრეგუარმა და პირობა დადო, რომ წინააღმდეგობას გაუწევს მემარჯვენეებსა და უკიდურეს მემარჯვენეებს მომავალი წლის საპრეზიდენტო არჩევნების მოლოდინში.

"პარიზი იქნება მემარჯვენეების ამ ალიანსის წინააღმდეგობის გული, რომელიც ცდილობს წაგვართვას ის, რაც ჩვენთვის ყველაზე ძვირფასი და სათუთია: ერთად ცხოვრების უბრალო სიხარული", — დასძინა მან.

ახლად არჩეული მერი მერიაში Velib’-ით (საფრანგეთის დედაქალაქის ველოსიპედების წამყვანი სისტემა) მივიდა. მან მემარცხენე მერების, ბერტრან დელანოესა და იდალგოს ზედიზედ 25-წლიან მმართველობის შემდეგ შეძლო გამარჯვება.

მანამდე, უკიდურესად მემარჯვენე ლიდერმა, მარინ ლე პენმა, მოუწოდა პარიზელ ამომრჩევლებს, დაესრულებინათ მემარცხენეების მმართველობა.

შეგახსენებთ, კამპანიისას, გრეგუარი პრეზიდენტ ემანუელ მაკრონს ადგილობრივ პოლიტიკაში ჩარევაში ადანაშაულებდა.