ევროპული სამეზობლო საბჭოს (ENC) მრჩეველი, ტერიე ჰელანდი საქართველოს ანტიკორუფციულ ბიუროსთან დაკავშირებით X-ზე წერს. მისი თქმით, ბიურო რაჟდენ კუპრაშვილის ხელმძღვანელობით "პოლიტიკურ იარაღად იქცა" და ქართული ოცნება მას "რეპრესიული დევნისთვის" იყენებს.

"საქართველოს ანტიკორუფციული ბიურო (ACB) შეიძლება ისე ჟღერდეს, როგორც კორუფციასთან მებრძოლი უწყება, მაგრამ რაჟდენ კუპრაშვილის ხელმძღვანელობით ის პოლიტიკურ იარაღად იქცა.

ქართული ოცნება მას სამოქალაქო საზოგადოების წინააღმდეგ რეპრესიული დევნისთვის იყენებს, რათა არასამთავრობო ორგანიზაციები და ოპოზიციური ხმები გაჩუმდნენ", — დაწერა ტერიე ჰელანდმა.