გერმანიის საგარეო საქმეთა მინისტრმა, იოჰან ვადეფულმა, რუსეთ-უკრაინის შესაძლო სამშვიდობო შეთანხმების შემთხვევაში, უკრაინისთვის მომავალი უსაფრთხოების გარანტიების შესახებ თავისი მოლოდინები გამოთქვა.

იოჰან ვადეფულის თქმით, უკრაინას ისეთი უსაფრთხოების გარანტიები სჭირდება, "რომლებიც ძალიან ახლოს იქნება იმასთან, რასაც ნატოს წევრობა გულისხმობს. მის კომენტარებს Deutsche Welle ავრცელებს.

"ჩვენ ვერ მოვთხოვთ უკრაინას, რომ სერიოზულად განიხილავდეს ტერიტორიული დათმობების შესაძლებლობას, თუ იგი არ მიიღებს მინიმუმ რეალურ უსაფრთხოების გარანტიებს რაც შეიძლება მეტი სახელმწიფოსგან, რათა [უკრაინის ტერიტორია] უსაფრთხო იყოს," — აღნიშნა მინისტრმა.

ვადეფული იმედოვნებს, რომ ასეთი უსაფრთხოების გარანტიების მოთხოვნა საბოლოოდ დაარწმუნებს რუსეთის პრეზიდენტ ვლადიმირ პუტინს. მისივე აზრით, ეს გარანტიები რუსეთს საფრთხეს არ შეუქმნის.

"ეს შეიძლება გახდეს საფუძველი, რომ ევროპაში ბოლოს მშვიდობა დავამყაროთ," — განაცხადა გერმანიის მთავრობის წარმომადგენელმა.