შინაგან საქმეთა სამინისტრო უარყოფს მედიაში გავრცელებულ ინფორმაციას იმის შესახებ, რომ საქართველოში მყოფი ჩეჩენი ქალი გაიტაცეს, ან მის გატაცებას შეეცადნენ.

"პოლიციის მხრიდან მიმდინარეობს სამართალწარმოება, მყისიერად დაიწყო სამართლებრივი რეაგირება გავრცელებულ ინფორმაციასთან დაკავშირებით. ლ.ა.-სთან დაკავშირებული ყველა შესაბამისი გარემოების შესწავლა.

ლ.ა.-სა და სამართალდამცველებს შორის მოხდა კომუნიკაცია, მისგან მიღებული ინფორმაციით, მის მიმართ მუქარას ან რაიმე სახის სხვა დანაშაულს ადგილი არ ჰქონია. ლ.ა. გადაყვანილი იქნება მსხვერპლთა თავშესაფარში", — შსს-ს კოემნტარს პუბლიკა ავრცელებს.

მანამდე ტელეგრამ-არხმა "ოსტოროჟნო ნოვოსტიმ" გუშინ, 13 ივნისს გაავრცელა ინფორმაცია იმის შესახებ, რომ ჩეჩენი ქალი, რომელიც ჩეჩნეთიდან ოჯახში ძალადობის გამო გაიქცა, მისმა დამ და 5-მე ჩეჩენმა გაიტაცეს. "ტვ იპირველი" ინფორმაციით, ქალის გატაცება ჩეჩნებმა ვერ შეძლეს და ის ამჟამად თავშესაფარში იმყოფება. მათ ინფორმაციით, დაპირისპირება იყო ყაზბეგის გამზირზე. ქალის დასაცავად მისული თავშესაფრის თანამშრომლები, მათივე თქმით, 5-კაციანმა ჩეჩნურმა დაჯგუფებამ სცემა.

ტელეგრამ-არხის ინფორმაციით, ქალი ჩეჩნეთიდან ძალადობის გამო გამოიქცა და შემაკავებელი ორდერი იყო გაცემული, თუ მისი ნათესავები საქართველოში შემოვიდოდნენ, ამის შესახებ აცნობებდნენ. გაქცევამდე მან სახლში წერილი დატოვა, რომელშიც სთხოვდა, არ ეძებნათ. თუმცა, ნათესავებმა მის მეგობრებს დაემუქრნენ და პოლიციაში განცხადება დაწერეს. ლორა ადვოკატთან ერთად თბილისის პოლიციის განყოფილებაში მივიდა და ძებნილის სიიდან ამოიღეს. იქ მას დაჰპირდნენ, რომ თუ მისი ნათესავები ქვეყანაში შემოვიდოდნენ, მას გააფრთხილებდნენ.