საქართველოს მე-5 პრეზიდენტი სალომე ზურაბიშვილი ფრიდრიხ მერცს გერმანიის კანცლერად არჩევას X-ზე ულოცავს.

ის წერს, რომ მოუთმენლად ელოდება მასთან ერთად მუშაობა,ს “რათა აღადგინონ პარტნიორობა ევროკავშირის უფრო ფართო უსაფრთხოების, სტაბილურობისა და საქართველოს ევროპული მომავლის მხარდაჭერაში”.

"გილოცავთ, ფრიდრიხ მერც, კანცლერად არჩევას. ყველანაირ წარმატებას გისურვებთ იმაში, რომ წინ გაუძღვებით გერმანიას გამოწვევებით სავსე დროს.

მოუთმენლად ველი თქვენთან ერთად მუშაობას, რათა აღვადგინოთ ჩვენი პარტნიორობა ევროკავშირის უფრო ფართო უსაფრთხოების, სტაბილურობისა და საქართველოს ევროპული მომავლის მხარდაჭერაში. თავისუფლებისთვისა და დემოკრატიისთვის ქართველი ხალხის ბრძოლაში გერმანიის მიმდინარე მხარდაჭერა ღრმად დაფასებულია", — წერს ზურაბიშვილი.

ბუნდესტაგმა ფრიდრიხ მერცის კანდიდატურა გერმანიის კანცლერის პოსტზე მეორე ცდაზე 6 მაისს დაამტკიცა.

განმეორებითი კენჭისყრის დროს მერცს 325 დეპუტატმა მისცა ხმა, საჭირო მინიმუმი 316 იყო. წინააღმდეგი იყო 289 პარლამენტარი, ერთმა თავი შეიკავა, 3 ხმა ბათილად იქნა ცნობილი.