საფრანგეთი უკრაინას სამხედრო სადაზვერვო ინფორმაციას მიაწვდის. ამის შესახებ ხუთშაბათს საფრანგეთის თავდაცვის მინისტრმა, სებასტიან ლეკორნუმ მას შემდეგ განაცხადა, რაც ვაშინგტონმა განაცხადა, რომ კიევთან სადაზვერვო ინფორმაციის გაზიარებას აჩერებს. ამის შესახებ AP News წერს.

ამერიკული დაზვერვა უკრაინისთვის სასიცოცხლოდ მნიშვნელოვანია რუსული ჯარების გადაადგილების თვალყურის დევნებისა და სამიზნეების შესარჩევად.

ხუთშაბათს რადიო France Inter-თან საუბრისას ლეკორნუმ თქვა, რომ საფრანგეთი აგრძელებს სადაზვერვო ინფორმაციას გაზიარებას უკრაინისთვის.

"ჩვენი დაზვერვა სუვერენულია. ჩვენ გვაქვს დაზვერვა, რომლითაც უკრაინას სარგებლობის უფლებას ვაძლევთ", — თქვა ლეკორნუმ.

ლეკორნუმ დასძინა, რომ აშშ-ს მიერ უკრაინისთვის სამხედრო დახმარების შეჩერების შემდეგ, საფრანგეთის პრეზიდენტმა ემანუელ მაკრონმა სთხოვა მას "დაეჩქარებინა საფრანგეთის დახმარების სხვადასხვა პაკეტები", რათა დაეკონპენსირებინათ ამერიკული დახმარების ნაკლებობა.

ტრამპის ადმინისტრაციის წარმომადგენლებმა განაცხადეს, რომ პოზიტიური მოლაპარაკებები ვაშინგტონსა და კიევს შორის იმის მანიშნებელია, რომ უკრაინისთვის სადაზვერვო ინფორმაციის გაზიარების შეჩერება შეიძლება დროებითი იყოს.