ორბელიანების სასახლეში ცენტრალური საარჩევნო კომისიის ოპოზიციონერი წევრები სალომე ზურაბიშვილს ხვდებიან.

შეხვედრის დაწყებამდე ცესკოს ოპოზიციონერმა წევრებმა ჟურნალისტებს განუცხადეს, რომ პრეზიდენტს მიაწვდიან ინფორმაციას დარღვევებისა და არასამართლიანი გადაწყვეტილებების შესახებ.

"ცესკოს ოპოზიციონერი წევრების სურვილი იყო, რომ საქართველოს პრეზიდენტს შევხვედროდით, როგორც ერთადერთ დარჩენილ ინსტიტუტს ამ ქვეყანაში. 26 ოქტომბრის არჩევნები არის მიტაცებული და არჩევნები ფარულობის პრინციპის დარღვევით ჩატარდა, შესაბამისად, არალეგიტიმურია. ამის შესახებ უნდა მივაწოდოთ ინფორმაცია სალომე ზურაბიშვილს", — განაცხადა ცესკოში ძლიერი საქართველოს წარმომადგენელმა გიორგი სიორიძემ.