რუსეთის პრეზიდენტი, ვლადიმერ პუტინი 27 ნოემბერს ყაზახეთს ეწვევა, — ამის შესახებ რესპუბლიკის ვიცე-პრემიერმა - საგარეო საქმეთა მინისტრმა მურატ ნურტლეუმ ასტანაში რუსეთის საგარეო საქმეთა მინისტრ სერგეი ლავროვთან გაფართოებულ შეხვედრაზე განაცხადა.

"27 ნოემბერს დაგეგმილი რუსეთის პრეზიდენტის ვიზიტი ყაზახეთში ძალიან მნიშვნელოვანია მრავალმხრივი პარტნიორობის ხელშეწყობისთვის", — განაცხადა მან.

თავის მხრივ, ლავროვმა აღნიშნა, რომ მხარეები სერიოზულად ემზადებიან რუსეთის პრეზიდენტის ყაზახეთში ვიზიტისთვის. მისი თქმით, რამდენიმე ათეული დოკუმენტი მზადდება, რომ "მოახლოებული სამიტის მაქსიმალურად გაჯერება მოხდეს".