ცნობილი K-pop ბენდის, BLACKPINK-ის წევრი, როუზი, დეკემბერში სადებიუტო ალბომის გამოშვებას გეგმავს. რამდენიმე დღის წინ კი, მსმენელი გაგვანებივრა და ალბომის ერთ-ერთი მთავარი სიმღერა წარმოგვიდგინა, რომელიც მისი და ბრუნო მარსის კოლაბორაციაა.

სიმღერის სათაური, APT., კორეული drinking game ანუ, სასმლის თამაშია. სიმღერაში ბრუნო და როუზი ერთმანეთს სახლში ეპატიჟებიან drinking game-ის სათამაშოდ. თავიდან თემატიკამ როუზი ცოტა შეაშინა — "მახსოვს, სტუდიიდან სახლში, რომ წავედი, რაღაც შეშინებული ვიყავი. ვფიქრობდი, განა ეს კარგია, სიმღერა ალკოჰოლური სასმლის თამაშზე რომ დავწერე?" — განაცხადა კეი პოპ ვარსკვლავმა Vogue-თან ინტერვიუში.

ცნობისთვის, APT. 18 ოქტომბერს გამოვიდა და მალევე დაიპყრო ტიკტოკი და სრულიად ინტერნეტ სივრცე. სულ რაღაც, სამი დღის გამოსული სიმღერა, უკვე მოექცა ჩარტების სათავეში. შეგვიძლია ვთქვათ, რომ როუზის სოლო კარიერა საკმაოდ შთამბეჭდავად დაიწყო.