გასულ ზაფხულს, 31 წლის იაპონელი ქალი ქალაქ ამაგასაკიდან უცნაურ სიტუაციაში აღმოჩნდა. 10 ივლისს მის ტელეფონზე ზარი შევიდა, თუმცა პასუხს არავინ სცემდა. ეს ყველაფერი კვირების განმავლობაში გრძელდებოდა, ქალმა ერთ დღეში 100-მდე ზარი მიიღო, თუმცა ვინ იდგა ამის უკან არ იცოდა.

მაგრამ როდესაც ივლისი მიიწურა და აგვისტო დაიწყო, ზარები გაგრძელდა, ქალმა ეჭვი ქმარზე მიიტანა და პოლიციაში დახმარების სათხოვნელად წავიდა. გამოძიების შემდეგ პოლიციელებმა სტალკერი დაიჭირეს. 4 სექტემბერს ჰიოგოს პოლიციამ განაცხადა, რომ დააკავეს 38 წლის კაცი, რომელიც ასევე ამაგასაკის მკვიდრია.

იაპონიაში იშვიათია, რომ ცოლ-ქმარი სხვადასხვა სახლში ცხოვრობდეს, თუ ქმარი სამუშაოდ ქვეყნის სხვა ნაწილშია წასული, ის მოგვიანებით მაინც ბრუნდება საკუთარ სახლში. თუმცა ეს ამ წყვილის შემთხვევაში ასე არ იყო, ქმარი ტელეფონით მუდმივად ადევნებდა თვალს ცოლს, მაშინაც კი თუ ისინი ერთად ცხოვრობდნენ.

დაკითხვის შემდეგ კაცმა აღიარა, რომ ის 10 ივლისიდან 4 აგვისტომდე მუდმივად ურეკავდა ცოლს დაფარული ნომრით, როდესაც გამომძიებელმა მიზეზი ჰკითხა, მამაკაცმა თქვა — "მე მიყვარს ჩემი ცოლი და ამიტომ ვურეკავდი".

გასაკვირი ისაა, რომ პოლიციის თქმით, ეს პირველი შემთხვევაა, როდესაც კაცი ცოლის თვალთვალის გამო დააკავეს, მიუხედავად იმისა, რომ წყვილი ისედაც ერთად ცხოვრობდა.