წარმოიდგინეთ, რომ თქვენი საყვარელი ჟანრის წიგნები ყოველთვიურად, წიგნის მაღაზიაში რიგში დგომის გარეშე თქვენს კართან ჩნდება, თან ყოველთვის სპეციალური ფასდაკლებით. მშვენივრად ჟღერს, არა?

ცხოვრების ტემპის აჩქარებასთან ერთად, სერიული წიგნების გამოწერის იდეა ყურადღებას სულ მეტად იქცევს და ბევრ ქვეყანაში მზარდი პოპულარობით სარგებლობს. მიზეზი ცხადია — წიგნის სერიების გამოწერა ძალიან მოსახერხებელი და ამასთან ერთად ხელმისაწვდომია.

ფოტო: palitra L

აღნიშნული სერვისი განსაკუთრებით საინტერესოა იმ ადამიანებისთვის, რომლებიც წიგნის მაღაზიებიდან შორს ცხოვრობენ, ან დროის ნაკლებობას განიცდიან, წიგნების კითხვა და შეგროვება კი მათი ჰობია!

საბედნიეროდ, სერიული წიგნების გამოწერა საქართველოს ბაზარზეც ხელმისაწვდომი გახდა. გამომცემლობა პალიტრა L საკუთარ მკითხველს წიგნის ყიდვის ტრადიციული მეთოდებით არ ზღუდავს და ახალ პრაქტიკას ნერგავს.

წიგნის ყოველთვიური გამოწერის სერვისი მკითხველებს ახალ შესაძლებლობებს აძლევს — პალიტრა L მკითხველებს 20-მდე სერიას სთავაზობს, გამოწერის ფასი კი, სულ რაღაც 10 ლარიდან იწყება.

ფოტო: palitra L

გარდა ამისა, თითოეულ მკითხველს შეუძლია, ყოველთვიურად რამდენიმე სერია გამოიწეროს და მაქსიმალურად მოკლე დროში სასურველ მისამართზე მიიღოს. ისიც არ დაგავიწყდეთ, რომ გამომწერი ლიტერატურული სიახლეებისა და თანამედროვე ავტორების შესახებ ინფორმაციას პირველი გაიგებს.

პალიტრა L-ის ყოველთვიურ სერიებში გაერთიანებულია ლურჯი ოკეანის ბიზნესლიტერატურა, მსოფლიო და ქართული კლასიკური და თანამედროვე, საბავშვო და სამეცნიერო ლიტერატურა, რაც ნებისმიერ მკითხველს საოჯახო ბიბლიოთეკის სრულყოფის საშუალებას მისცემს.

ფოტო: palitra L

რა უპირატესობებით სარგებლობენ სერიის გამომწერები?

1. ყოველთვიურად მიიღებ შენთვის სასურველ წიგნებს სპეციალურ ფასად;
2. გადაიხდი თანხას ყოველთვიურად ან ერთიანად და ერთიანად გადახდის შემთხვევაში მიიღებ დამატებით ფასდაკლებას;
3. თავად შეარჩევ გადახდის სასურველი თარიღს

თუკი დაინტერესდით, აქვე აგიხსნით, როგორ გახდეთ სერიების გამომწერი:

პირველ რიგში შევდივართ პალიტრა L-ის ვებგვერდზე და გავდივართ რეგისტრაციას. რეგისტრაციის გავლის შემდეგ, გადავდივართ გამოწერებში, რომელსაც ზედა მარცხენა კუთხეში იპოვით.


გამოწერებში კი სხვადასხვა სერიის წიგნები დაგხვდებათ. კონკრეტული სერიის ან სერიების არჩევის შემდეგ, შეგიძლიათ არჩიოთ გადახდის სასურველი პირობა, შეძენილ წიგნებს კი გამომცემლობა ყოველთვიურად სასურველ მისამართზე მოგაწვდით.