ცოტა ხნის წინ კინოთეატრებში დისნეის ახალი ანიმაცია ჯადოსნური ნატვრა გამოვიდა. ანიმაციის სიმღერები სხვადასხვა ქვეყანაში სხვადასხვა ენაზე ითარგმნა, მათ შორის ქართულადაც. მთავარი გმირის სიმღერას, სახელად This Wish, ქართულ ენაზე სოფო ბათილაშვილი ასრულებს.

ახლახან დისნეიმ სოციალურ ქსელებში ვიდეო გამოაქვეყნა, რომელშიც This Wish-ის სხვადასხვა ენაზე თარგმნილი ვერსიებია გაერთიანებული. მათ შორის ქართულიც აღმოჩნდა, თუმცა...ქართული სიტყვების გარეშე.

"ჰეი, იეი, იეი, იეი" — ისმის "ქართულ" ვერსიაში პერსონაჟის სიტყვები. სულ ესაა.

რა თქმა უნდა, ეს ქართველ მაყურებელს არ გამორჩენია და ვიდეოს ქვეშ სახალისო ქართული კომენტარებიც მრავლადაა, რომელთაგან რამდენიმეს შემოგთავაზებთ:

ფოტო: Facebook

ფოტო: Facebook

ფოტო: Facebook

მაგრამ გული არ დაიწყვიტოთ, რადგან მარტო არ ვართ: ვიდეოში ტაილანდურ ენასაც ჩვენი ბედი ხვდა წილად.