ნოდარ დუმბაძის სახელობის მოზარდ მაყურებელთა თეატრის მსახიობი ბესო მეგრელიშვილი გარდაიცვალა. ინფორმაციას თეატრი ფეისბუქგვერდზე ავრცელებს.

"გარდაიცვალა ჩვენი თეატრის ერთ-ერთი გამორჩეული არტისტი, მეგობარი, ყველასათვის საყვარელი ბესო მეგრელიშვილი. ვუსამძიმრებთ თეატრის ყველა თანამშრომელს და ოჯახს", — ვკითხულობთ თეატრის განცხადებაში.

ბესო მეგრელიშვილი წლების განმავლობაში სხვადასხვა თეატრებთან თანამშრომლობდა. მოზარდ მაყურებელთა თეატრში თამაშობდა ისეთ სპექტაკლებში, როგორებიცაა კაცი, რომელსაც ლიტერატურა ძლიერ უყვარდა, ბაში-აჩუკი, მე, ბებია, ბაბუა და ჭინკები, რომეო და ჯულიეტა და სხვა.

მსახიობს მაყურებელი ტელესერიალებითაც კარგად იცნობს. ბესო მეგრელიშვილი თამაშობდა სერიალებში ყავა და ლუდი, ჩვენი ოფისი, ჩიფსების თაობა, კლინიკა. მსახიობი ჩემი ცოლის დაქალებში ავთოს როლს ასრულებდა.