მომხმარებელთა უფლებების დაცვის კვირეულის ფარგლებში გამოცხადებული კონკურსის დასრულებამდე სულ ცოტა დრო რჩება!

თუ ვიზუალური მასალის გაცოცხლება შენი ჰობია ან მოკლე ვიდეოების გადაღებით თავს ხშირად ირთობ, მაშინ ეს შენი შანსია!

საქართველოს ეროვნულმა ბანკმა, ბაზისბანკის, ემ ბი სის და კრედო ბანკის, ჩართულობითა და მხარდაჭერით, მომხმარებელთა უფლებების დაცვის თემაზე შექმნილი ვიდეო ფორმატის მასალის კონკურსი გამოაცხადა.

კონკურსის ფარგლებში სულ 3 გამარჯვებული გამოვლინდება, რომლებსაც ფულადი პრიზები 2 000 ₾; 1 000 ₾ და 500 ₾ გადაეცემათ.

ნამუშევარი უნდა პასუხობდეს ფინანსური სექტორის მომხმარებელთა ცნობიერების ამაღლებას რომელიმე ერთ ან, კომბინირებულად, ქვემოთ ჩამოთვლილ რამდენიმე თემაზე:

  • მომხმარებელთა უფლებები და ფინანსური ორგანიზაციის ვალდებულებები;
  • სესხები და/ან გონივრული სესხება და/ან სესხის ხელშეკრულება;
  • ფინანსური უსაფრთხოება და/ან კიბერთაღლითობისგან დაცვა და/ან უსაფრთხოება ინტერნეტში;
  • დაზღვევა/პირადი ფინანსების მართვა/დაზოგვა და სხვა ნამუშევარი შექმნილი უნდა იყოს კონკურსანტის მიერ სპეციალურად ამ კონკურსის ფარგლებში;

საკონკურსო ნამუშევრები კი 31 მარტის ჩათვლით მიიღება.

დამატებითი დეტალებისთვის ესტუმრეთ ვებგვერდს: bit.ly/15მარტი-კონკურსი