ლონდონის ერთ-ერთი სალონი მომხმარებელს კანიე ვესტის ტატუს მოშორებას უფასოდ სთავაზობს. სალონის გადაწყვეტილება ცნობილი ამერიკელი რეპერის ბოლოდროინდელ განცხადებებს უკავშირდება.

ტატუს ბრიტანული სტუდიის, NAAMA-ის განცხადებით, მათ ინიციატივას დიდი გამოხმაურება და დაინტერესება მოჰყვა, არა მხოლოდ გაერთიანებულ სამეფოში, მსოფლიო მასშტაბითაც.

"როგორც ჩანს, არიან ყოფილი ფანები, რომლებიც ტატუს გაკეთებას ნანობენ", — აღნიშნავს სალონის დირექტორი.

როგორც ცნობილია, სერვისით რამდენიმე მომხმარებელმა უკვე ისარგებლა, კიდევ უფრო მეტს კი ვესტის ტატუს მოშორების პროცედურა დაჯავშნილი აქვს.

"გვინდოდა, დახმარება გაგვეწია მათთვის, ვისაც თავისი სხეულზე დატანილი კანიე ვესტის ტატუსი რცხვენია", — ამბობენ სალონში, რომელიც თავისი პროექტის, "მეორე შანსის", ფარგლებში მომხმარებელს არასასურველი ტატუს მოცილებაში ეხმარება.

თუმცა, ეს მომსახურება არცთუ იაფი ჯდება — სერვისის ღირებულება 2 ათასი ფუნტ სტერლინგიდან იწყება. ამდენად, ვესტის ყოფილ ფანებს გაუმართლათ.

ფოტო: Rich Fury / VF20 / Getty Images / Vanity Fair

რაც შეეხება კანიე ვესტს, რეპერი უკვე რამდენიმე კვირაა, მსოფლიო მედიის ყურადღების ცენტრშია მოქცეული. მასთან დაკავშირებული ბოლოდროინდელი ამბები მოიცავს ანტისემიტურ განცხადებებს, ჰიტლერის ქებას, ყოფილი ცოლის, კიმ კარდაშიანის შევიწროებას, უზუსტო და შეცდომაში შემყვან შეფასებებს სხვადასხვა საკითხზე (ჯორჯ ფლოიდის მკვლელობა, მონობა, კონსპირაციული თეორიები) და კიდევ ბევრ პრობლემურ ისტორიას.

ამ ყველაფრის გამო, რა ხანია, მუსიკოსთან თანამშრომლობა არაერთმა ცნობილმა ბრენდმა შეწყვიტა — მათ შორის, ადიდასმა და ბალენსიაგამ.

ასევე იხილეთ: