ფორმულა 1-მა რუსეთის გრან-პრი გააუქმა. ოფიციალურ განცხადებაში ნათქვამია, რომ არსებულ ვითარებაში რუსეთის გრან-პრის ჩატარება შეუძლებელია.

"FIA ფორმულა 1-ის მსოფლიო ჩემპიონატი სტუმრობს ქვეყნებს მთელს მსოფლიოში პოზიტიური ხედვით, ხალხის გაერთიანებისა და ერების გაერთიანების მიზნით. ჩვენ სევდითა და შოკირებული ვაკვირდებით უკრაინაში განვითარებულ მოვლენებს და იმედს ვიტოვებთ, რომ კრიზისი სწრაფად და მშვიდობიანად გადაწყდება", — აღნიშნულია განცხადებაში.

ხუთშაბათს, რუსეთის მიერ უკრაინაში შეჭრის დღეს, ფორმულა 1-ის ოთხგზის ჩემპიონმა, სებასტიან ფეტელმა განაცხადა, რომ რუსეთში დაგეგმილ რბოლაში მონაწილეობას არ მიიღებდა.

პარალელურად UEFA-მ მიიღო გადაწყვეტილება, რომ ჩემპიონთა ლიგის ფინალი სანკტ-პეტერბურგში აღარ ჩატარდეს. ფინალი 28 მაისს, პარიზში გაიმართება.

პუტინმა უკრაინაში ომი 24 თებერვალს დაიწყო, რომელსაც თავად სპეციალურ "სამხედრო ოპერაციას" უწოდებს.

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში

გაიგეთ მეტი: