დაავადებათა კონტროლის ეროვნული ცენტრის დირექტორმა ამირან გამყრელიძემ განმარტა, რომ რვადღიანი კარანტინი მხოლოდ საქართველოში დაბრუნებულებს მოუწევთ.

"12 დღიანი საკარანტინო ვადა შეიცვალა 8 დღემდე, ანუ ხაზს ვუსვამ რომ რვა დღიანი საკარანტინო ვადა არის საქართველოში შემოსულ ადამიანებზე და არა საქართველოში ინფიცირებულთან კონტაქტირებულებზე. ანუ საქართველოში შემოსული ყველა ადამიანი მიდის 8-დღიან კარანტინში, მერვე დღეს სახელმწიფოს ხარჯზე გაუკეთდებათ PCR ტესტი და თუ ის უარყოფითია მაშინ ისინი თავისუფლდებიან კარანტინიდან იმ პირობით რომ მეთორმეტე დღეს მათ უნდა ჩაიტარონ ასევე ტესტი ისევ სახელმწიფოს ხარჯზე", — განაცხადა ამირან გამყრელიძემ.

საკოორდინაციო საბჭოს დასრულების შემდეგ, პრემიერმინისტრმა, გიორგი გახარიამ განაცხადა, რომ საკარანტინო ვადები 8 დღემდე შემცირდა.