რუსთავის მე-5 სკოლის მასწავლებელი მე-6 კლასის მოსწავლემ კიბეებზე დააგორა. მომხდარი On.ge-ს შინაგან საქმეთა სამინისტროში დაუდასტურეს.

გამოძიება სისხლის სამართლის კოდექსის 126-ე მუხლის პირველი ნაწილით დაიწყო, რაც ცემას ან სხვაგვარ ძალადობას გულისხმობს.

კლინიკა რუსთავის ნეიროქირურგი, მიხეილ გურასპიშვილი საზოგადოებრივ მაუწყებელთან ამბობს, რომ მასწავლებელს თავის ტვინის შერყევა და წელის არეში დაჟეჟილობა აღენიშნება. მისივე ინფორმაციით, პაციენტის მდგომარეობა სტაბილურია, თუმცა, მკურნალობა სჭირდება.