გერმანიის მმართველ ქრისტიანულ-დემოკრატიულ პარტიას ახალი ლიდერი ჰყავს. გერმანიის კანცლერის, ანგელა მერკელის ადგილს 56 წლის ანეგრეტ კრამპ-კარენბაუ დაიკავებს. კარენბაუს კანდიდატურა თვითონ მერკელმა წამოაყენა.

ანეგრეტ კრამპ-კარენბაუერმა პარტიის ყრილობაზე 999 ხმიდან 517 მიიღო და მილიონერ ბიზნესმენსა და მერკელის ოპონენტს, ფრიდრიხ მერცს აჯობა, რომელსაც 482 დეპუტატმა დაუჭირა მხარი. კარენბაუერი საარლანდის მიწის პრემიერ-ინისტრი იყო, ხოლო ბოლო ერთი წლის განმავლობაში პარტიის გენერალური მდივნის პოსტს იკავებდა.

7 დეკემბერს პარტიის ყრილობაზე ანგელა მერკელმა ამაღელვებელი სიტყვა წარმოთქვა და პარტიის 18-წლიანი ლიდერობა შეაჯამა, რასაც დარბაზიდან ოვაციები მოუვა. რამდენიმე წუთის განმავლობაში დეპუტატები მას ტაშს უკრავდნენ და "Danke Angie-ს" (მადლობა ენჯის) გაიძახოდნენ.

მიმდინარე წლის ოქტომბერში ანგელა მერკელმა განაცხადა, რომ ქრისტიან-დემოკრატიული პარტიის ლიდერობა აღარ სურდა. ამავე დროს კი განმარტა, რომ კანცლერის პოსტზე 2021 წლის შემოდგომამდე, საპარლამენტო ვადის ბოლომდე იქნება. ექსპერტები უკვე ამბობენ, რომ კარენბაუერის არჩევით ქვეყნის პოლიტიკური კურსი დიდად არ შეიცვლება.

ფოტო: Fabian Bimmer / Reuters

ანგელა მერკელი გერმანიის ფედერალური კანცლერი 2005 წლიდან არის, ხოლო 2000 წლიდან ქრისტიან-დემოკრატიული პარტიის ლიდერია.