პარიზში, ჰაერის დაბინძურების შემცირების მიზნით, 1997 წლამდე გამოშვებული ავტომობილები აიკრძალა.

ახალი აკრძალვა ქალაქში მოძრავი მანქანების 10 პროცენტს შეეხება. 1997 წლის პირველ იანვრამდე რეგისტრირებული მანქანებით გადაადგილება ორშაბათიდან - პარასკევის ჩათვლით, დილის 8 საათიდან, საღამოს 8 საათამდე იკრძალება.

ახალი შეზღუდვა არ ეხება კლასიკურ მანქანებს, რომელთა წლოვანებაც 30 წელს აღემატება.

საფრანგეთის ჯანდაცვის დეპარტამენტის მონაცემების მიხედვით, ჰაერის დაბინძურების გამო, ქვეყანაში ყოველწლიურად 48 ათასი ადამიანი იღუპება.

მძღოლები, რომლებიც ახალ წესს არ დაემორჩილებიან 35 ევროთი დაჯარიმდებიან. ჯარიმის ოდენობა 2016 წლის ბოლომდე კიდევ გაიზრდება.