ცოტა ხნის წინ არაიან გრანდემ ახალი ალბომი დააანონსა. ინფორმაცია მუსიკოსმა გუშინ, ინსტაგრამის პლატფორმაზე განთავსებული პოსტით გვამცნო.

როგორც პოსტში ვკითხულობთ არიანას რიგით მერვე სტუდიური ალბომის სახელწოდებაა Petals, რომელსაც 2026 წლის 31 ივლისს ვისმენთ. Petals არიანასა და შვედი პროდიუსერის, ილია სალმანზადეს, ერთობლივი ნამუშევარია.

განცხადებაში მუსიკოსი ალბომს ახასიათებს, როგორც "სიცოცხლით სავსეს, რომელიც ცივ და რთულ დაბრკოლებებში იკაფავს გზას".

ფოტო: Getty Images

აღსანიშნავია, რომ გრანდეს გულშემატკივრები ამ ალბომს უკვე დიდი ხანია ელოდებიან, ვინაიდან მუსიკოსი რამდენიმე თვეა, ხმის ჩამწერი სტუდიიდან ფოტოებსა თუ ვიდეოებს გვთავაზობს.

გარდა ახალი ალბომისა, გასულ წელს არიანამ, თითქმის 6-წლიანი პაუზის შემდეგ, მსოფლიო ტურნე — Eternal Sunshine Tour — დააანონსა. ტურნე სათავეს 2026 წლის 6 ივნისს, ჩრდილოეთ ამერიკაში აიღებს და 23 აგვისტოს ლონდონში ჩატარებული ხუთი კონცერტით დასრულდება.

აქვე შეგახსნებთ, რომ ახალი ალბომისა და ტურნეს გარდა, არიანას ნახვას კომედიურ ფილმ Focker In-Law-ში შევძლებთ, რომლის პრემიერის თარიღი 2026 წლის 25 ნოემბერია. გარდა ამისა, მუსიკოსს ვიხილავთ American Horror Story-ის რიგით მეცამეტე სეზონშიც, რომლის პრემიერა 2026 წლის შემოდგომაზე შედგება.