საქართველოს ბანკი ქვეყანაში YouTube ეკოსისტემის გაძლიერების ხელშეწყობას განაგრძობს. სწორედ ამ მიზნით, Creator Summit 2025-ის მხარდამჭერია.

Creator Summit კრეატორების ეკოსისტემისა და ეკონომიკის განვითარებისთვის შექმნილი ღონისძიებაა, რომელსაც Creator Academy ახორციელებს.

სამიტი თავს უყრის ინდუსტრიის წამყვან პროფესიონალებს, ბრენდის წარმომადგენლებს და ქმნის სივრცეს, სადაც ისინი მონაწილეებს საკუთარ ცოდნასა და გამოცდილებას პრეზენტაციების, პანელური დისკუსიებისა და ვოქრშოპების ფორმატში უზიარებენ.

“საქართველოს ბანკი აქტიურად უწყობს ხელს თანამედროვე ციფრული ინდუსტრიების განვითარებას, YouTube ეკოსისტემის გაძლიერება კი სტრატეგიის მნიშვნელოვანი ნაწილია. ამ მიმართულებით სხვადასხვა ინიციატივებს ვახორციელებთ, წელს Creator Summit 2025-ის მხარდამჭერები ვართ. ჩვენთვის ძალიან საამაყოა, რომ შეგვიძლია წვლილი შევიტანოთ საქართველოში YouTube კომუნის გაძლიერების პროცესში, რადგან გვჯერა — ქვეყანაში კრეატორობის კულტურის განვითარების დიდი პოტენციალია. ამიტომ, მოვუწოდებთ დაინტერესებულ პირებს, დაესწრონ ღონისძიებას და განვითარების გზაზე არ გაჩერდნენ”. — აღნიშნავს მარიამ ცანავა, საქართველოს ბანკის ბრენდის მიმართულების ხელმძღვანელი.

“ეს არის პირველი ღონისძიება საქართველოში, რომელიც კრეატორებს პროფესიულ სივრცეში აერთიანებს და აძლევს შესაძლებლობას, გაცვალონ საკუთარი ცოდნა, გამოცდილება და აღმოჩენები. ამ პროცესში მონაწილეობა მნიშვნელოვანია, როგორც თითოეული კრეატორის, ისე მთელი ინდუსტრიის წინსვლისთვის. სამიტზე კრეატორებს საშუალება მიეცემათ, იპოვონ პასუხები მათთვის საინტერესო პროფესიულ შეკითხვებზე და გაიზიარონ, როგორც ადგილობრივი, ისე გლობალური გამოცდილება. ყველაზე მთავარი კი ის არის, რომ ვიპოვოთ თანამოაზრეები, ვისთან ერთადაც უფრო სწრაფად და ხარისხიანად შევძლებთ ქართული კრეატორ ეკოსისტემის განვითარებას”. — აღნიშნავს გიორგი დანელია, კრეატორ სამიტის ორგანიზატორი.

ღონისძიების შესახებ დეტალური ინფორმაციის მისაღებად ეწვიეთ ვებგვერდს.